Khaw 3-ah Vawk thi 5 awm

Serchhip District-a khaw pathum-ah nimin khan ASF vanga Vawk thi 5 lai a awm belh leh.

AH & Vety Department chhinchhiahna atanga a lan danin nimin-a ASF avanga Vawk thi te hi North Mualcheng leh East Lungdar-ah pahnih ve ve leh North Vanlaiphai khua ah pakhat te niin Vawk suat belh a awm lo thung a ni.

Nimin-a Vawk thi te nen hian East Lungdar-ah hian ASF vangin Vawk 77 thi tawhin 26 suat a ni tawh a, North Mualcheng khua ah Vawk 39 thi tawhin 30 suat a ni tawh bawk a, North Vanlaiphai-ah Vawk 25 thi tawhin Vawk 24 suat a ni tawh bawk a ni. Serchhip District-ah hian kumin ah ASF vangin Vawk 180 a thi tawh a, nimin thleng khan hri lenna khua ah Vawk 199 suat a ni tawh bawk a ni.

Hetihlai hian nimin khan Khawlailung khua ah Vawk 5 chu suat ve leh a ni bawk a, Khawlailung khua ah hian tunhnaiah Vawk 3 thi tawhin Vawk 23 suat a ni tawh a, he khua a Vawk thi te Sample hi enfiah tura lak ni tawhin tunah hian result ngaihchan mek a ni.