Hri kai thar 6 leh dam 15 awm

/

Nimin khan Serchhip District-a COVID-19 hri kai hmuhchhuah thar mi 6 awmin mi 15 enkawl dam an ni thung.

Serchhip District-ah hian nimin khan khaw pahnih atangin COVID-19 hri kai hmuhchhuah thar mi 6 an awm a, heng hri kai hmuh te hi Thenzawl khua leh Lungpho khua ah mi 3 ve ve an ni. Nimin vek khan Serchhip District-a khaw 4 atangin hri kai enkawl dam mi 15 an awm belh ve leh bawk, an zinga 6 te hi Serchhip khua niin P&E Veng-ah 3, New Serchhip-ah 2 leh AOC Veng-ah mi pakhat te an ni a, heng bakah hian East Lungdar atangin 5, Lungpho atangin 3 leh Thenzawl atangin mi pakhat te an ni.

Heti hian nimin tlai thleng khan Serchhip District-ah COVID-19 hri kai hmuhchhuah tawh chu 14,198 niin an zinga 14,113 te chu enkawl dam an ni tawh a, hri kai hmuhchhuah atanga chhutin za zela 99.40 te chu enkawl dam ni tawhin hri kai enkawllai mi 50 an la awm a, hri kai zingah mi 35 an boral tawh bawk a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »