COVID-19 kai thar 11 la awm

Nimin khan Serchhip District-ah COVID-19 hri kai mi 11 hmuh belh niin mi 24 te enkawl dam an ni thung.

Nimin-a Serchhip District-a COVID-19 hri kai hmuhchhuah te hi khaw 4-a hmuh niin Serchhip P&E Veng-ah hri kai mi 4 hmuh an nih bakah Thenzawl-ah hri kai mi 3 hmuh an ni bawk a, Lungpho khua leh East Lungdar khua ah hri kai mi pahnih ve ve hmuh an ni bawk. Nimin khan Serchhip District chhung khaw hrang hrang atangin hri kai enkawl dam mi 24 lai an awm belh ve leh bawk a, heng te hi Lungpho atangin mi 11, East Lungdar atangin 7 leh Thenzawl atangin mi 4 bakah Ngentiang leh Serchhip P&E Veng atangin mi pakhat ve ve te an ni.

Heti hian nimin tlai thleng khan Serchhip District-a COVID-19 hri kai hmuhchhuah tawh chu 14,244 an ni a, an zinga 14,163 chu enkawl dam ni tawhin hri kai hmuhchhuah atanga za zela 99.43 te chu enkawl dam an ni tawh a, hri kai enkawllai mi 46 la awmin hri kai zingah mi 35 an boral tawh bawk a ni.