ASF vangin Vawk thih belh

Nimin khan Serchhip District-ah ASF vangin Vawk thi pakhat a awm leh a, hri lenna hmun ni lo ah Vawk thi pakhat a awm leh bawk.

Nimin a Serchhip District-a ASF vanga Vawk thi hi East Lungdar khua a mi a ni a, heti hian nimin thleng khan East Lungdar-ah hian ASF vangin Vawk 75 a thi tawh a, nimin vek khan Vawk 4 suat leh ni bawkin an khuaa Vawk suat tawh pawh 26 a ni tawh bawk a ni. Heti hian nimin thleng khan Serchhip District-a ASF vanga Vawk thi chu 175 a ni tawh a, Vawk 199 suat a ni tawh bawk. ASF hri lenna hmuna puan la ni lo Lungchhuan khua ah nimin khan Vawk thi pakhat a awm belh lehin Vawk thi 7 a awm a, nimin khan Vawk pakhat chu suat leh ni bawkin an Sample pawh enfiah tura lak a ni bawk.

Hetihlai hian North Mualcheng khua a Vawk thi ten ASF hri an kai tih hmuhchhuah a nih hnuah he khua hi tun thla ni 15 atang khan thu leh awm hma chu ASF hri lenna hmun ah puan a ni a, he khua atanga Vawk lakchhuah leh lak luh khap niin Vawk talh leh a sa zawrh khap a ni a, Vawk thi reng reng Chinai/Disinfectant nen thuk taka phum tur a nih thu Serchhip-a Sr. Veterinary Officer, Dr. John Lalhnuna chuan thuchhuah siamin a tarlang a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar