CCPA in Service Charge lak khapna tarlang

Central Consumer Protection Authority (CC-PA) chuan Hotel leh Restaurants-ah Service Charge dil belh emaw, phut belh lam chi reng reng khap a ni tih a tarlang.

Central Consumer Protection Authority (CCPA) hian tun thla ni 4 atanga hman turin Consumer Protection Act, 2019 Section 18(2) (1) kaihhruaina (guidelines) tunhnai khan a tichhuak a, he inkaihhruaina hian ram chhunga Hotel leh Restaurants te chu chaw (ei leh in) man a leitute hnen atanga an lak bak Service Charge dil belh emaw, phut belh lam chi reng reng a khap a ni a. Hming dang emaw midang hming pawhin Service Charge hi an la tur a ni lova, Food Bill-a Service Charge ziahkai belha, chung bill Total atanga GST lak tum thinte pawh khap tlat a ni a. Service Charge chu a leituin a pe duh a niha, a phal (voluntary) a nih chauhvin an dawn sak thei tih hi an hrilhfiah ngei tur a ni tih a tarlang bawk.

Hei bakah hian Hotel leh Restaurant te Service Charge lak thu-a thil leitu (Consumer) lungawilo te chuan an bialtu DC ah sawibuaina (complaints) thehluh theih a ni a, District Collector ten CCPA-ah a tul angin an thlen leh thin dawn a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar