Inbiakna chhunzawm thuai beisei a ni - HM

Nimin July 26, 2022 kha hi ramri bula inkahna thlen champha kum khatna a ni a, Home Minister Lalchamliana'n ramri chingfel tura inbiakna chhunzawm thuai beisei a ni, a ti.

Zawhna chhangin Home Minister Lalchamliana chuan July ni 7 khan Assam Border Area Development Minister Atul Bora chuan rawn biain ramri chungchangah inbiak an duh thu a rawn thlen a, Chief Minister Zoramthanga pawh hmaichhanah ramri chungchang sawipui a duh thu a rawn thlen tih a sawi a, rawtna rawn siam turin a lo chhang tih sawiin, Assam lam thu leh hla hi la ngaihchan zui mek a ni tih a sawi bawk.

MNF Party chuan nimin khan thuchhuah siamin he ni lo thleng hi ram leh hnam tana kan ngaihtuahna kan hman tharna ni leh kan inhlan thar niah hmang ila an duh takzet tih tarlangin, Assam nena kan ramri chingfel tur hian Mizoram sawrkar chuan hma a la chhunzawm tih an tarlang bawk.