Bru Voters 1,232 te E. Roll atangin paih tawh

Mizoram atanga Tripura a tlanchhia, Tripura Transit Camp a cheng mek Bru voters 1,232 te chu Mizoram Electoral Roll atangin paih an ni tawh a, midang pawh paih chhunzawm zel tum an ni.

Bru mi leh sa Mizoram chhunga vote nei, tuna Tripura Transit Camp-a cheng mek leh Tripura-a cheng nghet tur Electoral Roll atanga an paih te hi Mizoram chhunga District 3-a vote nei te an ni a, Mamit District-ah tam berin Hachhek bial atangin 765; Dampa Bial atangin 48 leh Mamit Bial atangin 235, an vaiin vote nei 1,048 te chu paih an ni a,  Kolasib District in dawtin Tuirial Bial atangin 78, Serlui Bial atangin 67 leh Kolasib Bial atangin 29, an vaiin voter 174 paih an ni bawk a. Lunglei District-a Thorang Bial atangin 5 leh West Tuipui Bial atangin mi 5, an vaiin mi 10 paih an ni tawh bawk a ni.

Mizoram Election Department chhinchhiah danin Bru mi leh sa Mizoram chhunga vote nei te hi an vaiin 11,232 an ni a, Mizoram District-3 Mamit, Kolasib leh Lunglei Disitrct a vote nei te an ni. Kum 2020 January thla khan sawrkar laipui, Tripura leh Mizoram sawrkar leh Bru pawl aiawhte chuan inremna an lo ziak tawh a, Bru refugee te chu an awmna tur ram ft. 40X30 a zau pek tur a ni a, Fixed Deposit in Rs. 4,00,000 dahsak tur an nih bakah, kum hnih chhung thla tin Rs. 5,000 leh a thlawnin Ration pek tur a ni a. Hengte bak hamthatna dawn tur dang ruahman sak an ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man