Latest News

Mizoram-ah COVID-19 kai an la pun belh zel

Niminpiah khan Mizoram-ah COVID-19 hri kai mi 169 hmuh belh leh an ni a, Mizoram-ah COVID-19 hri kai hmuhchhuah an la pung zel.

Niminpiah khan Mizoram-ah Sample 806 enfiah leh niin heng atang hian COVID-19 hri kai 169 hmuhchhuah niin Sample enfiah atanga chhutin za zela 20.97 te chuan hri an kai a, heng hri kai hmuhchhuah te hi Rapid Antigen Test hmanga Sample enfiah 805 atanga hmuh vek niin Aizawl District-ah 78, Lunglei District-ah 10, Lawngtlai leh Mamit District-ah 10 ve ve, Serchhip leh Khawzawl District-ah mi 8 ve ve, Saitual District-ah mi 6, Champhai District-ah mi 4, Kolasib District-ah mi 3 leh Hnahthial District-ah mi pahnih te an ni. Heng bakah hian ZMC-a RT-PCR Laboratory-ah Sample enfiah pakhat awmin hri kai erawh hmuh a ni lo thung.

Nimin khan Mizoram District 10 atangin COVID-19 hri kai enkawl dam mi 160 an awm belh ve leh bawk a, heti hian nimin tlai thleng khan Mizoram-a COVID-19 hri kai hmuhchhuah tawh chu 2,32,080 niin an zinga 2,30,601 chu enkawl dam an ni tawh a, hri kai hmuhchhuah atanga chhutin za zela 99.36 te chu enkawl dam an ni tawh a, hri kai enkawllai 770 an la awm a ni. Nimin tlai khan Lawngtlai District Vawmbuk khua a mi pakhat chu COVID-19 vangin ZMC-ah a boral ve leh a, heti hian Mizoram-ah COVID-19 kai mi 709 an boral ta a ni.

Comments

Popular News (Last 30 Days)