DIET-a Zirtirtu sawn ah bialtu MLA in hma a la - ZPM

ZPM Serchhip Thalai Block Committee chuan tunhnaia DIET Serchhip-a Zirtirtu mi 4 sawn chungchangah bialtu MLA Lalduhoma chuan hma a lak nghal thu sawiin, Education Minister in a lo chhanna chu a lawmawm loh hle niin an tarlang.

Nimin-a thuchhuah an siamah ZPM Serchhip Thalai Block Committee chuan tun hnaia Serchhip DIET Zirtirtu 4 (3 transfer, 1 attach-in Aizawl-ah) lai an aiawh tur dah si lova transfer an nih chungchangah Serchhip Bialtu MLA Lalduhoma chuan hma la nghalin Secretary School Education Dr. Lalzirmawia Chhangte chu Phone hmanga a biak nghal thu leh Secretary hian an tihsual palh a nih theih thu leh, lo en nawn leh tur angin a lo hrilh thu an tarlang a.

Hei bakah hian School Education Minister Lalchhandama Ralte pawh bialtu MLA hian be bawkin Zirtirtu 4 lai an aiawh tur pawh dah si lova transfer chu zirlaite'n an tawrh nasat tur zia leh he transfer order hi sut leh tura a ngenna chu, “Zirtirtu in ngah bik lutuk; kan sem rual a nih kha,” tiin a lo chhang nia sawiin, a lawmawm loh hle tih ZPM Thalai thuchhuah chuan an tarlan bakah Science zirtirtu nei lo pawh an awm thu te in a lo chhang iin an tarlang a. “Chutianga zirtirtu nei lo chu zirtirtu pe mai se, a nei sa leh zirlai pawh awmsa chhuhsak zawng khera harsatna sutkian an tum chu thil nih phung pangngai a nih loh thu leh a lungawithlak loh thu Bialtu MLA hian a sawi bawk a ni,” an ti.

Hetihlai hian hemi chungchangah hian MZP Hqrs. Serchhip pawhin hma la mekin nimin khan School Education Minister Lalchhandama Ralte hnenah hian DIET Serchhip-a Lecturer post hnawhkhah loh te hnawhkhah thuai nise an duh thu leh tunhnaia sawrkar in sawnchhuah tura a tih te pawh an aiawh dah an nih dawn loh chuan Transfer order hi sut leh nghal se an duh thu ziakin an thlen a, hun remchang hmasa ah sawihona neih an tum niin MZP hruaitute chuan an sawi a ni.

Comments

Popular News (Last 30 Days)

LPG man bithliah thar