NHIDCL leivung paihna chungchang thlirho

National Highways and Infrastructure Development Corporation Limited (NHIDCL)-in Mizoram-a kawngpui an sialna leivung an paih in Environment a tihchhiat chungchang enpui tura ruat, State Level Committee chu niminpiah khan an Chairman leh Adviser to Chief Minister (Technical) K. Lalsawmvela hovin Chief Minister Conference Hall-ah khan an thukhawm.

He thutkhawm ah hian District Level-a NHIDCL hna thawh enpui tura ruat, District Level Monitoring Committee leh Divisional Forest Officer ten an bial theuha leivung paih in environment a nghawng dan te, leivung paihna hmun tura ruat enkawl dan leh dan bawhchhiatna hrang hrang awm thei te an zirchianna report bakah 'Save Mizoram Rivers' pawl-in an thil hmuhdan an report chu sawiho a ni a. NHIDCL Contractor-ten an remchan dan ang apianga leivung an paih mai nia lang chuan ram leilung leh lui nasa takin a tichhia tih chu Committee hmuh dan a ni a. NHIDCL lamin mimal ram leh Reserve Forest ram inbukthuah nia a lan vanga compensation lam an tihfel mai theih loh thu leh, Forest Department atanga hna thawh phalna an dil an hmuh har avanga harsatna an tawhte an sawi bawk.

He hunah hian kawng hrang hranga sawiho a nih hnuah kan ram chhunga National Highway-te hi chak leh tha taka thawh zawh a nih theih nan Pawl hrang hrang ten mahni mawhphurhna theuhah intawiawmna tha tak nen theihtawp chhuah tlan ni se an ti a. Compensation leh Forest Clearance chungchang pawh a rang lama mawhphurtuten tihfel ni se, NHIDCL pawhin an Contractor-te dan bawhchhia chu hremna lekin, tunhnuah leivung paihna hmun tura ruat, dan ang taka buatsaihah chauh leivung paih tawh se an ti a. NHIDC Executive Director pawhin thla hnih (2) hun pe tura ngenin, chumi chhunga theihtawpa hma la turin a intiam a. Thla hnih ral hnuah State Level Committee chu thutkhawm leh nise an ti a ni.

Comments

Popular posts from this blog

Tukverh-a tlasual boral