MIMA in Minimum Wages barhluih an duhlo tih an sawi

Mizoram Merchant Association (MIMA) General Hqrs. chuan Minimum Wages barhluih an duh loh thu an sawi.

MIMA hian niminpiah khan Executive Meeting neiin Shops and Establishments Act hmanga Minimum Wages anga sawrkar-a MR hlawh ang maia Mizoram-a dawrkai te hman tur proposal, Cabinet Meeting a thehluh tum chungchang an sawiho tih thuchhuah siama tarlangin, hemi chungchang sawihona July 4, 2022-a State Level Committee Meeting-ah MIMA in an pawm loh thu pawh sawichhuah a nih thu an sawi a. Minimum Wages anga hlawh bithliah saka sumdawngte mi chhawr, hlawh siamsak chu Proprietorship-ah India ram State khawiah mah hmanna a awm lo nia sawiin, Industries lian, Private Hospital, Insurance, Factory leh a dang te ah chauh hman a ni tih sawiin, “Hetianga sum-dawngte min barh luih an tum hi MIMA chuan a hrethiam lovin, a pawm thei lo a ni,” an ti.

MIMA chuan hemi chungchang an duh loh thu hi Chief Minister bakah a theih ang anga thlen an tum thu pawh sawiin, Cabinet Meeting pawhin COVID avanga sumdawngte tawrh dan leh harsatna mai bakah, State harsa ber kan nihna ngaihtuaha pass lo an ngen tih an sawi a, “Kan ngenna hi a hlawhtling lo anih chuan hmalak zel dan tur ngaihtuah leh tur a ni ang,” an ti bawk.