Latest News

Mizoram-ah COVID-19 kai enkawllai an la pung zel

Mizoram-ah COVID-19 hri kai enkawllai an la pung zel a, nimin tlai thleng khan hri kai enkawllai mi 762 an la awm a ni.

Niminpiah khan Mizoram-ah Sample 779 enfiah leh niin heng atang hian COVID-19 hri kai mi 197 zet hmuhchhuah leh an ni a, Sample enfiah atanga chhutin za zela 25.29 te chuan hri an kai a ni. Heng hri kai hmuhchhuah te hi Rapid Antigen Test hmanga Sample enfiah 765 atang hmuh vek niin Aizawl District-ah 97, Lunglei District-ah 39, Saitual District-ah 14, Serchhip District-ah 11, Champhai leh Mamit District-ah 10 ve ve, Kolasib District-ah 8, Khawzawl District-ah 4, Hnahthial District-ah 3 leh Lawngtlai District-ah mi pakhat te an ni a, ZMC-a RT-PCR Laboratory-ah Sample 14 enfiah niin hri kai hmuhchhuah an awm lo thung.

Nimin khan Mizoram District 9 atangin COVID-19 hri kai enkawl dam mi 152 an awm leh bawk a, an zinga 93 te chu Aizawl District a mi te an ni a. Heti hian nimin tlai thleng khan Mizoram-a COVID-19 hri kai hmuhchhuah tawh chu 2,31,911 niin an zinga 2,30,441 te chu enkawl dam an ni tawh a, hri kai hmuhchhuah atanga chhutin za zela 99.36 te chu enkawl dam an ni tawh a, hri kai enkawllai 762 la awmin hri kai te zingah mi 708 an boral tawh bawk a ni.

Comments

Popular News (Last 30 Days)