Hri kai thar 10 leh enkawl dam 14 awm belh leh

Nimin khan Serchhip District-ah COVID-19 hri kai mi 10 hmuhchhuah niin enkawl dam mi 14 an awm bawk.

Nimin khan Serchhip District chhung khaw pathum atangin COVID-19 hri kai mi 10 hmuhchhuah leh an ni a, heng te hi Serchhip-ah IOC Veng-a mi 2 leh Chhim Veng-a mi pakhat bakah Thenzawl-ah mi 5 leh Ngentiang khua ah mi pahnih te an ni. Nimin vek khan Serchhip District-ah COVID-19 hri kai enkawl dam mi 14 an awm leh bawk a, heng te hi East Lungdar leh Thenzawl atangin mi 5 ve ve, Ngentiang atangin pahnih leh Serchhip-a mi pahnih te niin Serchhip-a enkawl dam te hi Serchhip Vengchung leh P&E Veng atangin mi pakhat ve ve te an ni.

Heti hian nimin tlai thleng khan Serchhip District-a COVID-19 hri kai hmuh tawh chu 14,225 niin an zinga 14,136 te chu enkawl dam an ni tawh a, hri kai hmuhchhuah atanga chhutin za zela 99.37 te enkawl dam ni tawhin hri kai enkawllai mi 54 an la awm a, hri kai zingah mi 35 an boral tawh bawk a ni. Nimin tlai thlenga hri kai enkawllai la awm te hi Thenzawl-ah mi 21, Lungpho-ah mi 12, Serchhip-ah mi 10, East Lungdar-ah mi 8 leh Ngentiang-ah mi 3 te an ni.