Agriculture Minister in Custom Hiring Centre 6 tan Tractor leh hmanraw dang te a vailiam

Sub-Mission on Agricultural Mechanisation (SMAM) hnuaia kuthnathawktu te hnena semchhuah tur Tractor leh khawl dangte chu nimin khan Agriculture Minister C. Lalrinsanga chuan Zonun Enterprise, Silaimual atangin a vailiam a, Sawrkar tanpuina beisei lova intodelh duhna avanga tha leh zung tam tak seng duh an awm zel chu lawmawm a tih thu a sawi.

Agricultural Machineries and Implementation for Custom Hiring Centre atana Tractor leh khawl dang vailiamna puala inkhawm ah hian Agriculture Minister chuan leilet neituten an inhmantawm tur- Tractor leh leilehna hmanrua pekchhuahna leh vailiamna hun buatsaih a ni chu lawmawm a tih thu sawiin, Agricultural Mechanization hi na zawka kalpui chu sawrkar tum thu leh leilung hmanga tharchhuah a tam zel theihnan he huna Tractor dawngtu- loneitu intelkhawm te chuan tangkai taka khawl an hman leh, neitu chan chang thiam a, neitu bik awmlo-in an member tin ten a tul atan an hmang thei theuh tur a ni tih a sawi a, mimal pumbilh bik an awm anih chuan Department hotute nen Agreement an ziah hnan milin hma an lak tur thu a sawi a. Sawrkarin theihtawp a chhuah angin loneituten theihtawp an chhuah tur a ni tih pawh sawiin, Serchhip District-a FOCUS leh RKVY kaltlanga ranchaw herna khawl an bun chu Tlungvel leh Haulawng tlangdung ten an hmang tangkai hle tih a sawi a, thawhrimna leh tumna hian hmalam min pan tir a ni tih hretharin, rilru thar, thinlung thar nena hna thawk turin he huna kalkhawmte chu a sawm a ni.

Agriculture Minister chuan Sawrkar tanpuina beisei miahlo a intodelh duhna avanga tha leh zung tam tak seng duh an awm ta zel chu lawmawm a tih thu pawh sawiin, Rabi Season chhungin Pulse Production a tam theih nan hmalak mek a ni tih a sawi a. Aeroponics hmangin Alu tharchhuahna tur Thingdawl-ah kalpui mek a nih thu leh Falkawn-ah Bekang hriak herna khawl bun mek niin, thlai tharchhuah dahthatnan Solar Cold Storage buaipui mek a ni tih a tarlang bawk.

Tractors leh leilehna hmanruate hi Mizo-ram hmun hrang hranga loneitu intelkhawm 25 te hnenah pekchhuah tum niin nimin hanTractor 6 vailiam a ni a, tun dinhmunah Custom Hiring Centre 233 din tawh niin Tractor leh leilehna hmanrua hi a vaiin 258 pekchhuah tawh a ni a, sawrkar in nuai 9.50 zel a tum sak a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar