Japanese Encephalitis chungchang sawifiah

Mizoram sawrkar-a Health Department chuan Thenzawl khua-ah Japanese Encephalitis natna hmuhchhuah chu Japanese Encephalitis confirmed case anga pawm theih a ni lo niin an sawi.

Tunhnaia Thenzawl khaw mi Japanese Encephalitis natna kai hmuhchhuah kan rawn tarlan tawh chungchangah Health & Family Welfare Department chuan nimin khan thuchhuah siamin hri kai hmuhchhuah tarlan hi ELISA (Antibody Test) hmanga hmuhchhuah a nih thu leh hei hi Confirmatory Test a nih loh avangin a CSF sample chu Test na rintlak zawk (Real Time-PCR) a test turin Lal Path Laboratory, Kolkata-ah thawn a ni tih an tarlang a, July 20, 2022-ah he Sample Test result hi tihchhuah niin a Sample hi a Negative (JE virus not detected) avangin Japanese Encephalitis Confirmed Case anga pawm theih a ni lo tih an tarlang a ni.

Hetiang a nih avang hian Director of Health Services kaihhruaina hnuaiah thutkhawm neih nghal a nih thu pawh he thuchhuah ah hian tarlan niin, Health Department Official te Meeting chuan Investigation mumal zawk kalpui tha an ti a, Epidemiological, Entomological leh Environmental Investigation te nei tura hmalak mek a nih thu an tarlan bakah Mizoram chhunga Real Time PCR Test (Molecular Diagnosis) ti thei tur pawh hian hmalak nghal a ni tih an tarlang a. Tun dinhmunah mipuite tan chi-aina tur a awmloh thu leh Health Department chuan chak takin hma a la zel dawn tih an tarlang bawk a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result