RTI Helpline tlangzarh

Mizoram State Chief Information Commissioner Lalnunmawia Chuaungo chuan nimin khan Administrative Training Institute (ATI) siam RTI Helpline chu a tlangzarh.

RTI Helpline hi mi tupawhin RTI Dan hman chungchanga harsatna a neihte a thlenna tur a ni a, nimin-a CIC in a tlangzarh tak te hi  Phone No. (Toll Free) 1800-8893-218; Whatsapp No. 9863346173, Facebook-a RTI Mizoram, Instagram-a RTI Helpline, Mizoram leh Twitter-a RTI Helpline, Mizoram tih te a ni a, Phone call leh Whataspp Call hi Office hun chhunga hman tur a ni anga, a dang zawng hi chu engtik lai pawhin hman theih a ni ang. He huna tarlan a nih daninMinistry of Personnel, Public Grievances and Pensions, Govt. of India atangin Project pakhat, Improving Transparency and Accountability in Government through effective implementation of RTI Act hnuaiah cheng nuai 30.48 dawn a ni a, kawng hrang hranga hmalakna tur zinga pakhat chu Helpline siam niin thawktu lak a ni tawh a, hmalakna tur dang pawh ruahman lawk a ni.