Cheng nuai 400 chuang sengin Mizoram tan Mobile Veterinary Unit (MVU) 26 lei fel a ni tawh

Mizoram sawrkar-a Animal Husbandry and Veterinary (AH&Vety) Department chuan cheng nuai 400 chuang sengin Mobile Veterinary Unit 26 a lei fel tawh a, senso zawng zawng sawrkar laipui tum vek niin, a enkawl hna thawktu turte pawh lakfel thuai tum a ni.

Sawrkar laipui-a Department of Animal Husbandry and Dairying, Ministry of Fisheries, Animal Husbandry and Dairying, Govt. of India chuan ranvulhtu ten an kawtkai ngeiah Veterinary Service awlsam zawka an hmuh theihna turin Livestock Health and Disease Control hnuaiah State tin tan Mobile Veterinary Unit pek turin a ruahman a, pek dan tur Guidelines-ah chuan Livestock population nuai khat (1) zelah MVU pakhat zel a ruahman a. Mizoram-ah Livestock population a hniam hle a, ruahmanna angin pek ni se MVU hi 5 pawh Mizoramin a dawng thei lo nia sawi a ni a. Department thahnemngaihna in RD Block anga pek turin sawrkar laipuiah dil a ni a, Mizoram dilna pawmsakin, RD Bblock 26 tan MVU hi phalsak a ni.

MVU 26 lei nan sawrkar laipui chuan kum 2021-22 khan cheng nuai 416 a rawn pe a, hei hi 100% sawrkar laipui tum niin Department chuan GAD phalna lain, sawrkar duh dan angin GEMS Portal kaltlangin ni 23.2.2022 khan Tender chhuah a ni a, ni 28.2.2022-ah Purchase Order siam niin, Tender chhuah angin Force Skylar motor 26 lei turin tihfel a ni a, motor pakhat man Rs. 15,70,912 a ni a, Motor pakhat zel lei nan sawrkar laipui chuan cheng nuai 16 a ruahman a, a bang Rs. 29,088/- chu registration leh branding atana hman tur a ni a. RD Block hawn thar Tlabung leh Kawrtethawveng tan pawh MVU hi sawrkar laipui ah dilna thehluh tawh a ni.

Tun dinhmunah MVU 26 te hian Aizawl a rawn thleng vek tawh a, Dealer LBS Suzuki te Stockyard Durtlang-ah dah a ni a. Dealer ten Motor Registration an tihfel veleh a man hi pek a ni anga, motor man tur hi cheng nuai 416 department account a awmsa a ni. MVU pakhat zel in Doctor, VFA leh Driver pakhat a kalpui a, hemi atana hna lak phalna pawh DP&AR leh Finance Department remtihna neih a ni tawh a, hnathawktute hlawh tur chu 90:10 sawrkar laipui leh Mizoram sawrkar tum tur a ni. Heng hnathawktute hlawh tur leh motor enkawlna tur hi sawrkar laipui-ah thehluh a ni tawh a, sawrkar laipui chuan motor man senso cheng nuai 416 tihfel ve leh Recuring Expenditure tura department in proposal a thehluh tawh hi rawn release thuai an tum nia thudawn a ni.

Comments

Popular posts from this blog

Tukverh-a tlasual boral