Latest News

Volleyball inelna ah Khawbel Branch te an tla ve leh ta

Inter-Branch YMA Volleyball Tournament khelh mekah Serchhip Sub-Hqrs. YMA atanga tel te chu an tla kim ta.

R. Dengthuama Indoor Stadium, Mualpui-a D3 Amrit Cement Inter-Branch YMA Volleyball Tournament khelh mek hi nimin khan Quarter Final khelh a ni a, Serchhip Sub-Hqrs. YMA huamchhung atanga tel Khawbel Branch chuan Chhinga Veng Branch hmachhawn in 3-0 (25-13, 25-17, 25-15) in an tlawm a, Semi Final thleng zo lovin an tla ta a ni.

Inkhel dangah Khawhai Branch chuan Champhai Tlangsam Branch chu 3-1 a hnehin Semi Final an lut a, Hunthar Branch in Kulikawn West Branch chu 3-0 a hnehin Semi Final an luh bakah Zawlnuam Vengpui Branch chuan Maubawk Branch chu 3-2 a hnehin Semi Final an lut bawk a, Semi Final-ah Khawhai Vs Chhinga Veng leh Hunthar Vs Zawlnuam Vengpui te an inhmachhawn ang.

Hmeichhe inkhel ah Thenzawl Field Veng Branch pawh Kolasib Diakawn Branch lakah 3-0 a tlawmin an tla ve bawk a ni.

Comments

Popular News (Last 30 Days)