Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

Vaimim thar tihralna tur chungchang sawiho

/

Agriculture Minister C. Lalrinsanga leh District hrang hranga District Agriculture Officer (DAO) leh Block Agricultural Officer-te chuan nimin khan Video Conferencing hmanga inkawmna an nei.

He inkawmna ah hian SEDP kaltlanga Vaimim thar tihrona chungchang sawiho a ni a. Hemi atan hian Poly House siama UV Film hmanga tihrona siam tum a ni a. SEDP hnuaia District tina Vaimim tharchhuah beisei zat leh tharchhuah tihralna leh a zawrhchhuah dan tur sawiho a ni bawk a. DAO tin hnen atangin an District chhunga Vaimim tharchhuahte chu ran chaw siam nana an tihral theih an inrin vek thu leh a herna khawl pawh hmun thenkhata dah tura hmalak mek a nih thu ngaihthlak a ni a. Vaimim tharchhuah te hi AH & Vety Department bakah Society leh mimal ten an lei thin tih sawilan a ni a. Vety Department ran chaw hernaah hian Vaimim Kg. 1 Rs. 24-in pek theih beisei a ni.

Heng bakah hian vaimim lo thar tan mek Sazu in hmun thenkhata an beihna lak atanga venhim dan tur chungchang pawh sawiho a ni a, District tina ATMA leh FOCUS te nen tangkawpin dinhmun chiang zawk hre turin DAO te chu Minister hian a chah a. Bekang leh Vaimim te hi chinna hmun khatah inla lawna chin tura ruahman a ni.

Comments

Post a Comment

Popular News (Last 30 Days)