I-Day Football khelh tan a ni dawn

Zonuna Kawlni /

Serchhip District Football Association (SDFA) buatsaih Independence Day Football Tournament leh Division Screening Tournament chu Vawiin hian khelh tan a ni dawn ta.

SDFA hnuaia 1st Division Team 8 leh 2nd Division Team 19 te inelna tur Independence Day Football Tournament, Division Screening Tournament ni nghal bawk hi Serchhip Sports Complex-ah khelh a ni dawn a, tarlan tawh angin 1st Division Team te hian Round Robin League hmanga khelin a tawp-a point hmu sang pahnih ten August 15, 2022 khian Final an khel dawn a, point hmu hniam ber te 2nd Division-ah tlain point hmu hniam ber dawttu, 7-na chu 2nd Division-a pahnihna nen 1st Division a awm inchuhin tun thla ni 15-ah bawk Play-Off an khel ang.

2nd Division-a tel Team 19 te hi Group 4-ah then niin Group A, B leh C-ah Team 5 theuh awmin Group D-ah Team 4 an awm dawn thung a, Group pakhat-a awm te hi an inkhelh theuh hnuah Group tina point hmu dang pahnih zelin Quarter Final an lut dawn thung a, 2nd Division-a champion te hi 1st Division-ah kaisangin pahnihna te chu 1st Division-a 7-na nen Play-Off hmangin 1st Division-a awm an inchuh ve dawn thung a, August 13 khian Final khelh tur a ni ang.

Vawiin hian Match 4 khelh tur niin 2nd Division ten inkhel an tan dawn a, chawhma dar 10:00-ah tanin Keitum-I Vs Chhim Veng FC; Leisekawt FC vs Vengchung FC; Dress Up FC Vs Darnam FC leh Kawn Veng FC Vs FC Serchhip Kawnpui te an inhmachhawn ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »