Serchhip District Football Association (SDFA) buatsaih Independence Day/Screening Football Tournament 2022 chu khelh mek zel a ni.
Serchhip Sports Complex-a khelh Independence Day/Screening Football Tournament 2022-ah hian nimin khan 2nd Division Team ten an match hnihna an khel a, inkhel hmasa berah Hmar Veng FC (White) chuan FC Serchhip Kawnpui chu 4-1 in an hneh a, Hmar Veng FC (White) tan Ramdinpuia chuan goal thum khungin Chawngthansanga’n goal khat a khung a, FC Serchhip Kawnpui tan Freddy Lalhruaitluanga chuan goal khat a khung ve bawk.
Inkhel vawi 2-na ah Kawn Veng FC chuan Dress Up FC chu si li faiin an hneh a, Kawn Veng FC tan Lalruatsanga chuan goal hnih a khung bakah Lalzamlova leh Lalhlimawma te chuan goal khat ve ve an khung a. Inkhel vawi 3-na ah Bungtlang Bazar FC in Vengchung FC chu 2-1 a hnehin Thangthuampuia chuan Bungtlang Bazar FC tan goal a khung hnuah Vengchung FC tan Lalfakzuala chuan goal a khung bakah an lamah goal khat a tilut bawk a ni.
Nimin-a inkhel vawi 4-na ah Keitum FC-I leh Leisekawt FC te goal khat ve ve inpe in an inhnehtawk a, Keitum FC-I tan Amosa Lalthumawia chuan goal khungin Leisekawt FC tan Lalengsiama chuan a sut a, nimin a inkhel hnuhnung berah Field Veng FC chuan Hmar Veng FC (Red) chu 8-0 a sawpin Field Veng FC ten Lalruatkima chuan goal 4 a khung a, Lalrinzuala, R. Lalremruata, Lalhmingliana Kawlni leh F. Malsawmzuala ten goal khat theuh an khung bawk a ni.
Vawiin hian 1st Division Club 8 ten an match hnihna an khel ve leh dawn a, chawhma dar 10:00-ah inkhel tanin match hmasa berah Hmar Veng FC leh Chhekhnai FC inhmachhawnin Vengchung FC leh Bungpui FC Hriangtlang an inhmachhawn leh anga, AWC FC leh Chanmari FC te inhmachhawn lehin match hnuhnung berah FC Serchhip Kawnpui leh New Serchhip FC te an inhmachhawn leh dawn bawk a ni.
Comments
Post a Comment