Ramdang-a hna thawk turte fimkhur turin chah

Mizoram Police chuan ram pawna hnathawh tum te chu fimkhur turin an chah.

Hemi chungchanga Mizoram Police thuchhuah chuan Agency thenkhat ten ram danga hlawh tha tak neia zin/hnathawk turin mi thenkhatte an thlem thin tih hun emaw atang khan hriat a nih thu leh an hnathawhna tur an va thlenin Agency thenkhat chuan an passport te leh an lehkha pawimawh te lo hren sakin, engtikawng zawng pawha an duh danin hna an thawh luih tir thu leh chutianga hna an thawh that duh lova an ram a kir leh an duh pawhin pawisa tam tak chawi tura an tih bakah pawisa tam tham tak pek tur an neih loh chuan an ram a haw let leh an phalsak lo bawk niin an tarlang a. Lehkha tul ang ang tifel hmasa lova ram danga zin leh hnathawh hi dan kalh niin dan bawhchhiatna nasa tak a nih thu leh mahni ram a inthawnkir leh chungchangah pawh harsatna nasa tak a thlen bakah hetianga dan bawhchhetute hi mahni ram an thlen leh pawhin hetiang lama thuneituten dan tlawhchhanin thubuai an la siam sak zui zel tih an tarlang a.

Chuvangin, bumna hmanga hnathawh tur kawhhmuhtu te avang hian mihring hralhna hial a thleng thei tih hriain an thangkam-a awk lo tur leh an lakah fimkhur turin mipui te a ngen a Ramdanga hna zawng emaw, thawk tur emaw reng reng chuan engkim dan ang thlapa tifela lehkha pawimawh zawng zawng nei ngei turin an ngen a, heng bakah pawh hian chutianga midang pui thintu, mimal emaw, Agency emaw te chanchin chu hriatchian hmasak thin tur a nih thu leh puih ngaia kan awm chuan englai pawhin Police a biak pawh theih reng a nih thu an tarlang a ni.

Comments

Popular News (Last 30 Days)

LPG man bithliah thar