Hmasawnna ropui tak tak a thlen tawh thu sawi

Mizoram sawrkar-a Minister Lalthansanga chuan ZPM Party in Pathian leh Mipui zara Sawrkarna a chan hnuah ram hmasawnna ropui tak tak a thlen tawh thu a sawi.

ZPM Party chuan nimin khan Aizawl-a an Party Office-ah Chhung Inkhawm neiin he hunah hian Minister Lalthansanga chuan ZPM Party chu tawngtaina hmanga din a nih thu leh Vawiin thleng in bang lova tawngtaipuitu kan nei reng chu an lawmna leh an chakna a ni tih a sawi a. Mi thenkhatin Sawrkar thil tih thatte hmu thei lovin rem leh rem lova Sawrkar demna tur hlir an zawng thin chu pawi a tih thu sawiin, “Mipui tana Sawrkar hmalakna chhuanawm tak takte hliah khuh an tum thin hi Polictics ramhlui zia a ni a, kan kalpelh a hun tawh hle a ni. ZPM Sawrkar hnuaiah Dan hmangin kan kal zel a, Sawrkar hmasa hunlai atanga Dan kan lo ngaipawimawh tawk loh avangin a chang chuan hriatthiam loh a hlawh lek lek thin. Nimahsela Dan behchhanin kan kal zel dawn a, chu chuan mipuite rilru sukthlek pawh a dik zawngin a her rem zel kan beisei a ni,” a ti.

ATL Road chungchangah Sawrkarin ruahmanna tha tak a siam thu sawiin, Lunglei mipuite pawhin Sawrkar ruahmanna hi ring ngamin ngaichang thiam se a duh thu a sawi a. Sawrkar in Healthcare thar mipui tan a buatsaih pawh kan ram tan leh mipuite tan a ni tih sawiin, “Sawrkar hnathawk ten kan hlawh atanga tlemte kan thawhkhawm ve tur pawh mipui tan a ni tih hria a, rawngbawlna rilru leh midangte tana malsawmna thinlung pu chunga Mizoram Univershal Health Care Scheme thar Sawrkarin a buatsaih hi lo zawm ngei turin ka ngen a ni,” a ti bawk.