ZORO in CM-ah ngenna thlen

ZORO General Hqrs. hruaitute chuan nimin khan Chief Minister Lalduhoma chu a Pisa-ah hmuin Free Movement Regime thiah chungchang leh Indo-Burma Border fencing chungchang bakah pawl chhung hmalakna hrang hrang an sawipui a. Indo-Burma Border Fencing chu do tlat tur leh Mizoram Sawrkar pawhin ram pe lo tur bakah FMR pawh a nihna anga dah let leh tura theihtawp chhuah turin an ngen a. Chief Minister Lalduhoma chuan FMR thiat a, Indo-Burma Border hung chu Mizoram sawrkar pawhin a duh loh leh a dodal a ni tih lo hrilhin, hemi chungchangah hian ZORO chu theihtawp chhuahpui a tum thu a sawi a ni.