Education Minister in tlawh

School Education Minister Dr. Vanlalthlana chuan nimin khan Govt. Model Middle School, Chawnpui School insawnna tur building sak mek chu a hmunah a enfiah a. Kum 2021 August thla khan Govt. Model Middle School, Chawnpui leh Chawnpui Presbyterian Kohhran chu Cabinet Meeting thutlukna angin ram an lo inthleng tawh a. School sawnna turah hian tunah UD&PA Department kaltlangin building sak hna thawh mek a ni. He hunah hian Education Minister chuan zirna in hma a sawn tur chuan zirlaiten zirna environment tha an neih a pawimawh thu sawiin, tuna building sak mek chu zirlaite dawl zo tak bakah School in a kentel tur mamawh hrang hrang te plan ah telh a pawimawh thu a sawi. Minister hi bialtu MLA TBC. Lalvenchhunga chuan a tawiawm a ni.