Damdawi In-ah khum dah belh tura hmalak rel

Serchhip Joint Village Council chuan Serchhip damdawi In-ah khum dah belh a nih theihna turin hmalak nise an ti.
Serchhip Joint VC te hi niminpiah khan Serchhip Kawnpui VC Hall-ah thukhawmin Serchhip-a District Hospital building sak mek a nih avanga khum tlemte chauh awm rih leh hemi avanga damlo ten harsatna tawka hmunpui lam panpui an ngai fo thin chungchang hi an sawiho a. Serchhip District Hospital-ah hian khum 20-30 tal dah belh thuai a nih theihna turin Building luah lailawk tur sak emaw, building awmsa ngaih-tuah vat a nih theih nan hmalâk thuai nise an ti a ni.

Serchhip Joint VC thukhawm hian Ser-chhip Mat phai-a thlai tharchhuah chungchang te pawh sawihoin mipui himna atan leh Serchhip atangin thlai chi hrang hrangte hrisel leh thianghlim taka thar chhunzawm zel a nih theih nan Myanmar Raltlan leh Foreigners te hnênah tumahin ram hâwh tîr loh nise an ti a. Hemi chungchang hi Serchhip Mat Phai-a thlai chungtu pawl te pawh sawipui an tum thu an sawi a ni.

Heng bakah hian Serchhip-a sawrkar Department la awm lo te pawh dah thuai a nih theihna turin Serchhip Joint VC hian hmalak an rel bawk.