Lok Sabha MP in Union Minister hnenah thlen

Mizoram Lok Sabha MP Richard Vanlalhmangaiha chuan tun thla ni 24 khan Union Minister of State for Defence, Sanjay Seth chu a Pisa-ah kawmin Mizoram tana thil tangkai tur tam tak an sawi dun.

He inkawmna ah hian Lok Sabha MP Richard Vanlalhmangaiha a chuan Mizoram Chief Minister lo ngen tawhna bawh-zuiin Mizoram a Territorial Army Unit din thuai a nih theih nana hmalakpui turin Union Minister hi a ngen a, Union Minister chuan lo ngaipawi-mawhin rang taka an ngaihtuah tur thu a lo hrilh a ni. Hei bakah hian Mizoram chu International Borders a awm a nih angin Mizo mipui ten Indian Defence System kan hriatchian a tul hle thu sawiin hemi kawngah hian Mizoram Journalist Association (MJA) te chu India ram hmun hrang hranga Defence Study Tour an neih theih nan a hmalakpui turin Union Minister hi a sawm a, hma a lakpui ngei tur thuin a lo chhang bawk a ni.

Union MoS for Defence Sanjay Seth chuan Lok Sabha MP Richard Vanlalhmangaiha chu Indian Defence Committee sang leh pawimawh tak tak pahnih Standing Commitee on Defence leh Consultative Committee on Defence a Member a nih avanga a lawmpui thu leh Indian Defence tana theihtawp chhuaha a hun leh ngaihtuahna te seng turin a ngen bawk a ni.