Serchhip District in hnehna chang

Nimin khan Siaha-ah 4th Inter District Cricket Tournament chu khelh tan niin Serchhip District chuan an match hmasa berah Lawngtlai an hneh.

Siaha DFA Tlylia, Meisatla-a inkhel ah hian Toss-a chak Lawngtlai District in vawm hmasak thlangin Champion lai Serchhip District hian an bat hmasa a, overs 17.4 ah Wicket 10 hloh in run 165 an siam a. Hemi hnu hian Lawngtlai lam hian vaw ve lehin Overs 14.4-ah run 75 chiah siamin Wicket an hloh vek a, Serchhip District hi run 90 in an chak a, Hmingthanpuia, Serchhip DCA chu man of the Match-ah thlan a ni. Serchhip District hian naktuk-ah Saitual District an hmachhawn ve leh ang.

Cricket Association of Mizoram (CAM) hnuaia District Cricket Association hrang hrang te inelna 4th Inter District Cricket Tournament ah hian Mizoram District 9 ten Team tirin Serchhip District hi Group B-ah Mamit leh Saitual District te nen an awm a. Group A-ah a thlengtu Siaha District bakah Hnahthial leh Champhai District te awmin Group C-ah Kolasib, Lunglei leh Lawngtlai District te an awm a ni.