Airport venhim hna CISF ten thawk tan dawn

Ministry of Home Affairs chuan Lengpui Airport venhim hna thawk turin Central Industrial Security Force (CISF) a ruat thar a, Vawiin hian hna an thawk tan ang.

    CISF ten Lengpui Airport venhim hna an thawh bultanna leh anmahni lawmna hun hi Vawiin-ah neih a ni dawn a, CISF hian ramchhunga Airport hrang hrangah venhimna hna an lo thawk tawh thin a, Lengpui Airport hi Airport 69 an enkawlna tur a ni. Lengpui Airport thuneitute tarlan danin CISF Unit lokal tur te hi an vaiin 214 an ni a, amaherawhchu an awmna hmun tur peihfel ala nih loh avangin mi 121 an lo kal phawt dawn a ni. India hmarchhaka awm Mizoram hi thenawm ram Myanmar leh Bangladesh ri-a awm anih avangin India Act East Policy tih hlawhtlin nan a pawimawh hle a, tuna Lengpui Airport CISF in an enkawl tur pawh hi hmarchhak State-a venhimna a that lehzual zawk theihna tura ruahman niin hei hian ramchhungah remna leh muanna a thlen beisei a ni.