HC Parking Building hawng

Cheng nuai 1793.37 senga Aizawl MINECO-a sak High Court Parking Building leh Elevated Pedestrian Footpath to District Court te chu nimin khan Gauhati High Court Judge 3- Justice Michael Zothankhuma, Justice Nelson Sailo leh Justice Marli Vankung te chuan an hawng a, High Court Parking Building hi SEDP atanga sum hmuh hmanga sak niin Car 149 vel dah theih tura ruahman a ni a. High Court Parking building atang hian District Court panna tur (RCC Pedestrian Footpath with Sloping roof) chu ruahsur ah pawh hul turin siam nghal a ni.