MUHCS hnuaiah cheng nuai 73 chuang pe tawh

Mizoram Universal Health Care Scheme (MUHCS) hnuaiah kal kalta Nilaini thleng khan Rs. 73,30,614 pekchhuah a ni tawh.

    Health Minister Lalrinpuii sawi danin pawisa pe lawk lo (cashless) hmanga MUHCS kalpui mekah hian damlo 964 hnenah cheng nuai 73 chuang enkawlna senso hi damdawi In 36 hnenah pekchhuah a ni tawh a. Damdawi In 36 zinga pahnih tih loh chu sawrkar damdawi In vek a ni a. Zoram Medical College & Hospital hnenah damlo enkawlna senso pekchhuah tam ber niin Rs. 29,96,000 chuang pek a ni a. Zemabawk-a Mizoram State Cancer Institute-in dawtin Rs, 12,80,000 pekchhuah a ni tawh a, Aizawl Civil Hospital-ah Rs. 10,07,000 chuang pek chhuah a ni tawh bawk a ni. April ni 1 atanga hman tan tura a hma a Chief Minister Lalduhoma’n a lo puan tawh MUHCS hnuaia pawisa pek chhuah hi chawlhkar khat dan velah a hlawma pek chhoh zel a ni a. Hetihlai hian Mizoram-a mimal leh kohhran enkawl damdawi-in tam ber chuan la zawm lovin inbiakna an kalpui leh mek nia thudawn a ni bawk.