Sawrkar in ralna cheng nuai 12 hlan nghal

Niminpiah tlai-a Lengpui Airport atanga Aizawl pana haw an chuanna Motor chawp-a lung tla in a delh avanga nunna chan Aizawl Falkland veng-a Lalrinliana te chhungkua chu nimin khan DM&R Minister Prof. Lalnilawma leh Aizawl East-I bialtu MLA Lalthansanga te chuan Falkland Presbyterian Kohhran Hall-a vuina ah Mizoram Sawrkar hmingin ralna sum cheng nuai 12 an hlan a. DM&R Secretary K. Lalrinzuali leh Aizawl DC Er. Lalhriatpuia bakah DM&R thawktu dang thenkhat an tel bawk a ni. Tarlan tawh angin Lalrinliana leh a nupui Lungtiawii bakah an fanu Vanlalhruaii te hi Lengpui khaw dai-a Pukpui Tuikhawhthla bul lawkah kawngchhak atanga lung tlain an chuanna Motor nen delhin a hmunah hian ka pawh chhawn lohin an boral a ni.