Thailand Health System zir

Thla thar May 2 thleng awh tur Thailand Health System Learning visit chu nimin khan Thailand khawpui Bangkok-a Centara Life Convention Centre-ah neih tan niin Health Minister Lalrinpuii hovin Mizoram Health Department Officials te an tel a, he Learning Visit hi Mizoram State Health System Strengthening Project hnuaia tihtur hmachhawp pakhat niin kum 2021 atanga he programme hi ruahman tawh a ni a, harsatna hrang hrang vangin tunah hian tih hlawhtlin theih a ni ta chauh a, a senso pawh MHSSP hian a tum a ni. Khawvel ram 50 chuangin an lo zirchian tawh Thailand Health System hi Mizoram Health Officials te pawhin kum 2019 khan zirchianna hmasa an lo nei tawh a, tunah hian Mipui Health Care buaipuitute leh Health Department Officials hrang hrang ten chik zawkah zirchianna an nei leh dawn a, Thailand experience leh Mipui Health care kalpui mek chungchang khaikhinin a tul dan a zira an kaldan tha te lakchhawn theih beisei a he programme hi buatsaih a ni.