Nimin khan Chief Minister Lalduhoma hovin CM Conference Hall-ah Study Team on Socio Cultural & Economic Impact of KMMTTP & Railway line-te report bawhzui hmanhmawh thlak zual bawhzui dan tur sawihona neih a ni. He thutkhawm ah hian Chief Minister Lalduhoma chuan Impact Study Team-te hian report tha tak siamin an thehluh tawh thu a sawi a, an report zinga bawhzui nghal ngai chi te sawiho a tul avangin he thutkhawm hi koh a nih thu a sawi a. Impact Study Team Chairman T. Lalhlimpuia MLA chuan an thil hmuhchhuah pawimawh zual a sawi hnuah Study Team te hian ramri hmun pawimawh pahnih- Zochachhuah leh Salachhuah dinhmun an sawizau bakah hmalak dan tur tha nia an ngaihte an sawi tlang a. Department hrang hrangte lo bawhzui tur siamin, thla khat hnuah an thlirho leh dawn a ni. Impact Study Team te rawtna bawhzuitu tur High Power Committee din rawtna zirchiana la sawiho leh tura dah a ni bawk.
