PHE Minister in Lunglei tuilakna hmun a tlawh

PHE Minister Prof. Lalnilawma chuan nimin khan Lunglei khawpui tui lakna, Greater Lunglei Water Supply Scheme (GLWSS) hmun Pialthleng leh Tlawng lui tlawhin AMRUT 2.0 leh SASCI hnuaia GLWSS tihchangtlun hna thawh mek a enfiah.

Lunglei tui lakna, GLWSS tihchangtlunna tur hian thuang hnihin hma lak mek a ni a. Kum 2054 (kum 30 hnu) thlenga mihring 1,11,827 chawm thei tur, Tlawng leh Pialthleng lui atanga tui lakna tur ruahmanna, Upgradation of GLWSS (Pumping & Distribution system) chu SASCI (Scheme for Special Assistance to States for Capital Investment) 2024-2025 sum cheng vbc. 55.7 senga bul tan chhoh mek niin, Civil Work chu PHE-in Departmental Work-a thawkin, hmanrua leh khawl mamawh erawh chu Supplier hnen atanga lak a ni a. He project-ah hian tuilakna Main Pipeline tihchangtlunna tur te, tui ti hthianghlimna leh sawngbawlna tihchangtlunna leh siam belhna tur te, Pump House leh a khawl thar dah belhna tur te, Tui semdarhna (distribution system) leh Electrical Sub-Station tihchangtlunna tur te a tel a. Tunah hian hmanraw mamawh chhek khawm fel tawh niin, Pump House leh Sedimentation Tank tur laih zawh tawh a ni bawk a. He project hi zawh a nih hun chuan tuna tui lak mek, 3.5 MLD (Million Litres per Day) atang hian 5.5 MLD-a pungin, ni tin tui litre maktaduai 9 (9 MLD) pe chhuak thei tura beisei a ni. 

LWSS tihchangtlun nan hian AMRUT (Atal Mission for Rejuvenation and Urban Transformation) 2.0 sum cheng vbc. 4.7 hmangin Fur tui tam laia tui litre maktaduai 240 khuah tlin theihna tur Tlawng lui tuikhuah (gravity dam siam) hna thawh mek a ni bawk a. He hna hi HS Construction, Chanmari, Aizawl te'n thawkin, February ni 27, 2024 khan agreement ziah a ni a. Hna tan tura hmanrua lakkhawm tan a nih laiin Furi n a nan avangin kumin February thlaa zawh tura ruahman chu zawh theih a nih tak loh avangin hna thawh hun hi kumin August ni 31 thleng pawhsei a ni. loh avangin contractor te hian anmahni sum sengin an thawk rih a ni.