ASF lakah fimkhur turin chah

Serchhip-a AH&Vety Department hotute chuan kumin a Vawk hri, African Swine Fever (ASF) hri leng mekah Serchhip District khaw hrang hrang atangin ASF hri nia rinhlelh report dawn an la nei lo tih sawiin, Serchhip District chu he hri lakah hian ala him nia an ngaih thu an sawi a, Serchhip District AH&Vety Officer Dr. H. Vanlalrawna chuan he hri laka kan him zel theih nan mipuite chu fimkhur tura an duh thu leh sawrkar in Vawk leh Vawksa lakluh chungchanga khapna leh khuahkhirhna a siam te zawm tlat tura an beisei thu LENKAWL a hrilh a ni. Kumin hian Mizoram khaw 46-ah ASF vanga Vawk thi 3065 awm tawhin hri leng avang hian Vawk 981 suat a ni tawh bawk a ni.