Mizorama Election Officer te meeting neihpui

Mizoram Chief Electoral Officer (CEO) mawhphurhna la mektu Ethel Rothangpuii, Joint Chief Electoral Officer chuan nimin khan Mizoram District hrang hranga Election Officer te kokhawmin thutkhawm a neihpui.

He thutkhawm ah hian Joint CEO Ethel Rothangpuii chuan Election Officer te chu inthlan kaihnawiha District Level-ah a sulsutu an nih thu leh mawhphurna sang tak an neih thu hrilhin, Election Commission of India in tih tur a ruahman angte chak taka bawhzuina kawngah tan la thar turin a fuih a. He thutkhawm ah hian Electoral Roll chungchang te, School leh College hrang hranga Electoral Literacy Club din chungchang te, Booth Level Officer(BLO) te kaihruaitu tur Supervisor, inthlan kaihhnawiha Media te leh chanchinbumi te baka Social Media hman tangkai dan leh thil tul dang ngaihtuahho a ni.

He thutkhawm ah hian District 11-a Election Officer zingah Election Officer 9 tel theiin, Joint Chief Electoral Officer hi Election Department-a Officer ten an tawiawm bawk a ni.