Road Protection Squad ten khawpui chhung enfiah

Serchhip District Road Protection Squad Team B te chuan nimin khan Serchhip khawchhung Vengchung, Field Veng leh Dinthar Veng VC area-a kawngpuite chu a hmunah kalin an enfiah.
Serchhip District Road Protection Squad Team B te an Leader Dr Vanlalchhanhimi, DLAO hova thawkchhuakin heng VC Area hrang hrangah te hian VC ten an lo dawngsawng a, Inspection neih hmasaka lirthei leh mipui veivahna atana hnawk thei thil dahtute insenghawi tura an lo hriattir tawh zinga a tam zawkin hma an lak that hle laiin, hmalalo engemaw zat la awmte chu pawisa chawitira hremna pek nise an ti a ni.

Serchhip Road Protection Squad te hian Serchhip khawpui chhunga kawngte hi a him tawk em tih leh vantlang tana hnawk thama kawngpui nek an awm em tih te an endik thin a. Kawng kama dawr leh Workshop nei ten kawng an nek em tih te, garage nei loa kawng sira lirthei riah thin te an awm em tih te an endik thin a. Team pali- A, B, C leh D-ah inthenin Official te bakah tlawmngai pawl hruaitute leh Joint VC hruaitute an tel a. Serchhip khawpui chhung VC area hrang hrangah insemdarhin a tahtawlin kawngpui te hi an endik thin a ni.