MNF President in Chhung Inkhawm ah thu a sawi

MNF President Zoramthanga chuan, “Mizo hnam damchhuahna awmchhun chu nationalism a ni,” a ti.

    Mizo Hnam Run Chhung Inkhawm nimin a neih ah MNF President Zoramthanga chuan Israel-te pawh nationalism banga inhung tur an nih laiin an inhung phui zo lova hnam sawm an ral tih sawiin, “Pathian in keini hnam tlem te pawh ram min pe a. Khawchhak atanga lo tla thlain ram, hnam leh lal thuthlung nen kan nationalism chu kum 1966-ah a lo tho ta a. Kum 20 chhung hnam thinlung thisena baptis-in a awm a. A tawpah kum 1986-ah inremna kan lo nei ta a ni,” a ti a. “He hnam thinlung (nationalism) hi a rei tulh tulh a, hnam tlem zawk tan chuan a hlu tulh tulh a. Dam chhuahna awmchhun a ni,” a ti. MNF President chuan a lehkhabu ziah (Autobiography) chu khawvel lehkhabu publisher hmingthang tak Penguin Publisher chuan an publish sak tur thu sawiin, he lehkhabu hi MNF din tirh atanga Inremna lo thlen thlenga MNF history kimchang taka ziakna a ni tih a sawi a, Zirlai ten an chhawr tangkai ngei a rin thu a sawi bawk.