Vawk thi 2527 tling tawh

Mizoram-a Vawk hri leng, African Swine Fever (ASF) avangin kumin chhungin Mizoram-ah Vawk 2527 zet a thi tawh a, Vawk 873 chu suat a ni tawh bawk. AH&Vety Department in an chhinchhiah danin kumin-a ASF hri leng hi District 4-a khaw 44 in an tuar tawh a, Siaha District chu a tuar na ber niin khaw 26-ah Vawk 1347 a thi tawh a, Vawk 520 suat a ni tawh a, Lawng-tlai District-ah Vawk 1001 thiin Mamit District-ah 166 leh Lunglei District-ah 13 a thi tawh a ni.