Bukpui-a Auditorium sa turin ruahmanna siam rel

Nimin khan Serchhip Addl. DC Lalrinzuala hovin Serchhip Auditorium sakna tur hmun chungchangah Site Selection Committee chu thukhawmin ukpui rama P&E ram bulah Auditorium sa tura ruahmanna siam nise an ti.
Serchhip Auditorium chu thiah a nih theihna tura hmalak rel a nih hnuah Bawrhsap hova thukhawmin a hmunhma zirchiang tur leh zawng tura a din Site Selection Committee Member ten rawtna hrang hrang an thlente chu nimin-a Serchhip DC Meeting Hall-a thut-khawm ah hian sawiho a ni a. Serchhip Indoor Stadium bul, Serchhip Venglai; New Serchhip Futsal Ground bul; Serchhip Chanmari Veng leh Serchhip By-pass road New Serchhip te sawilan niin lirthei dahna tur remchang dawn lova a lan hlawm avangin leh hmunhma rem zawk, Parking leh motor kawng luh pawhna tha te ngaihtuahin, Auditorium lian tha dawl zo thei tura ngaih Bukpui rama P&E ram bul ami chu a remchang ber tura ngaih niin ruahmanna siam nise an ti a ni.

He thutkhawm ah hian Serchhip SDO (Sadar) Rebecca Laldinmawii Hrahsel, Settlement Officer Gaston Vanlalhriatpuia, SDC Dr. Marilyn Lalruatkimi, Sr. EE. P&E Laldawng-liana, Sr. EE, PHED Isaac Lalchhuanmawia bakah YMA Sub-Headquarter leh MJA President te an tel a ni.