National Commission for Scheduled Tribes ten Mizoram-a tlawmngai pawl aiawhte an kawm

Sawrkar laipui-a National Commission for Scheduled Tribes Chairman Antar Singh Arya leh Commission Member te chuan nimin khan Mizoram-a tlawmngai pawl hrang hrang aiawhte an kawm.

National Commission for Scheduled Tribe-a Chairman Antar Singh Arya leh Member dang- Nirupam Chakma, Dr. Asha Lakra leh Jatothu Hussain te hian nimin khan Aizawl a Hotel Regency Conference Hall-ah Mizoram-a Tlawmngai pawl hrang hrang hruaitute hi kawmin naktuk, April 30, 2025 hian Mizoram State chhunga Scheduled Tribes te hamthatna tur leh chawikanna tura Sawrkar laipui atanga Scheme hrang hrang lokal te State chhunga kalpui a ni em tih leh a hmanna tur dik taka hman a ni em tih State Level Review Meeting neih a ni dawn tih an sawi a. He Review Meeting neih a nih hma hian tlawmngai pawl hrang hrang te atangin an thil hmuh dan leh ngaihdan te bakah thurawn an neih ang ang te pawh hriat phawt an duh avanga he inkawmna hun hi buatsaih an nih thu an sawi a ni.

Nimin-a thutkhawm ah hian National Commission for Scheduled Tribes, Govt. of India-a Chairman leh member te bakah Commision Staff te chu an Director hovin an tel a. Heng National Commission for Schedule Tribes atanga rawn kal te hian Vawiin hian Kamalanagar leh Siaha te an tlawh leh dawn a ni.