Heroin hawng 400 zet man

Central YMA hnuai ruihhlo do pawl, Central Anti Drugs Squad (CADS) te chuan nimin zing dar 3:00 vel khan Heroin No. 4 hawng 400 chu a phurhna lirthei pahnih leh a khalhtu mi pahnih te nen Saitual-ah an man. Thudawn danin kg. 4.821-a rit heng ruihhlo hi Lalhmingmawia, Champhai District-a Ngur khua, Zokhawthar leh Khawmawi (Myanmar) lamah te a khawsa kual vel thin ta niin an sawi a, Vairengte dai-a dah tura biain Motor pahnih-ah hawng 200 ve ve phurh a ni a. Nizan hmasa khan Saitual-ah an hnu hi a tawp tih hriain Aizawl atangin Central YMA hruaitute an kal bakah Saitual Sub-Hqrs. YMA te nen tangrualin Saitual-ah Manase Home Stay ah man an ni a, a neitu nia puh Lalhmingmawia hi Myanmar lamah a lut hman nia sawi a ni.