Project LEAP in hma la

Lunglei District Administration hma laknaa Lunglei District-a vohbikte chawikanna tur rua-hmanna, Project LEAP (Lunglei’s Empowerment for Access and Equity for all Persons) hnuaia April ni 22 atanga ni 26, 2025 chhung khan Lunglei Civil Hospital-ah vohbikte tana hriselna dinhmun endikna, Health Assessment Camp chu a thawh khatna atan neih a ni a, ni 5 chhungin LMC huamchhung atangin mi 553 leh LMC pawnlam atangin mi 35, an vaiin mi 588 an in-entir a ni. Hemi chhung hian vohbik 40% chung lam disability nei, UDID nei tawhte leh upa kum 60 chung lamte tan ALIMCO te chuan tanpuina hmanraw chi hrang hrang - wheelchair, bengdar, mitdel tiang, zakdawh tiang leh hmanraw dangte dawng thei tur enfiahna (assessment) an buatsaih nghal bawk a, assessment camp chhung hian mi 484 in tanpuina hmanrua hi an dil a ni.