Lunglei-ah Dan lova lakluh Bike 55 zet man a ni

Lunglei Superintendent of Police (SP) hmalaknain Lunglei leh a chhevela dan lova ramdang atanga lakluh Bike (Kenboa 125) man khawm niin heng lirthei mante hi khawihchet theih loh turin a ke thlawn sak an ni.

Lunglei Superintendent of Police hmalaknain Police, Lunglei Sub-Hqrs. YMA, MZP leh MSU-te tangrualin raltlante tan Awareness leh Mizoram-a an awmchhung an tih leh tih loh tur inzirtirna Ningani-a an neih denchhena hmalakna kal zelah Traffic police-te chu Zirtawpni leh Inrinni khan Lunglei khawpui chhung bikah Special Drive an nei a, hetah hian dan lova lakluh Foreign Bike Kenboa (125) 55 an man a ni. 

Lunglei SP Jerome Lalmuankima hnen atanga thudawn danin heng Foreign Bike an man thenkhatte hian an lo hralh hlawm tawh a, an hralhna address an lo hriat tawh mai si loh avangin zawn a harsat thu sawiin, an hming leh Veng te lak vek a ni a, an awmna Myanmar lama an haw dawnah Police Station lamah an lak leh vek theih thu an hrilh thu a sawi bawk a. A vai hian Police Station lamah dah vek tum a nih thu Lunglei SP chuan sawiin, Foreign Bike an mante hi Pukpui, Tlawng lam area te, Farm Veng leh Lunglei Kendrya School lama mite bakah Tualthu leh Bualte lama mite a ni.