‘Red Bull Aizawl Tlang Ruam Event buatsaih tum

Sports Minister Lalnghinglova Hmar hovin nimin khan a Office-ah kumin kum tawpa khawpui chhunga Mountain Bike intlansiak, ‘Red Bull Aizawl Tlang Ruam Event’ buatsaih tum chungchang sawiho a ni.

He thutkhawm ah hian Sports Minister chuan Aizawl a ‘Urban downhill racing’ buatsaih leh tura hmalak a ni chu lawmawm a tih thu sawiin, nikum ah Aizawl Tlang Ruam event hlawhtling tak buatsaih a lo ni tawh tih a sawi bawk.

Kumin a Red Bull Tlang Ruam Event hi nikum-a ‘Aizawl Tlang Ruam event’ aia lian zawka kalpui tum niin, a kawng (route) pawh thui zawk leh harsa (challenging) zawka siam tum a ni a. Intihsiaknaa tel mai bakah mentor pawh nikum aia tam zawk neih tum niin, live streaming ti tur pawh biak fel tawh a ni bawk. A hun atan ruahtui hul hun November thla ruat chhin phawt a ni.