Exhaust/Proton tichhia

Siaha District Police te chuan an District chhunga Two Wheeler khalhtu ten Dan in a phal chin piah lam ri tichhuak thei Proton/After Market Exhaust (>80 Decibel) an hman thin te dapchhuah hna thawkin hetiang hi 43 lai an man a, heng te hi Chief Judicial Magistrate Siaha District hnen atanga tihchhiat/dispose phalna hmuh anih hnuah nimin khan SP Siaha Office kawtah tihchhiat a ni. Siaha Police te chuan hetiang After Market Exhaust bengchheng tak tak, Dan in a phal chin piahlam hmang an awm tlat thin chu pawi an tih thu sawiin, hetiang ri bengchheng tak tak te hian damlo, nausen leh tar chaklote tan hriselna lamah harsatna a thlen theih piah lamah, zan mut hunah pawh mi an timu tha thei thin lo tih sawiin, hmang tawh lo turin lirthei neitute an ngen bawk.