Hockey Turf siamna tur tlawh

South Tuipui bialtu MLA Jeje Lalpekhlua chuan nimin zing khan Hnahthial District Hockey Assocition hruaitute nen Hnahthial-a Synthetic Hockey Turf siamna tur chu tlawhin hmalak dan tur an sawiho a, sawrkar laipui Ministry of Minority Affairs hnuaia PMJVK Division atangin Hnahthial-ah Synthetic Hockey Turf siamna tur sum cheng vbc. 9.88 chu hmuh a ni dawn a, Hnah-thial District in Hockey Ground tha tak an nei thei tur chu lawmawm a tih thu Bialtu MLA chuan a sawi a ni. Hemi zawh hian MLA hian MLA Office-ah amah dawr duh te tan hun a hawng a, pawl leh mimal hrang hrangin an dawr a, nimin vek khan Govt. High School a tlawh bawk a ni.