15th Education Fair hawng

Health Minister Lalrinpuii chuan nimin khan Aizawl Millennium Centre chungzawl-ah 15th Education Fair chu a hawng a, Mizo zirlaiten zirna sang zawk an chhunzawmna tura State pawn zirna In tha leh changtlung tak tak an hmelhriatna tur leh belhchian theihna tur hun tha buatsaih a ni chu lawmawm a tih thu a sawi bawk. SAPE buatsaih ni hnih awh tur 15th Education Fair-ah hian Mizoram pawn atangin University leh College 30 chuang an inphochhuak a. Heng zingah hian Amity University, Kolkata; Sharda University, Assam Down Town University, Parul University, Indian Maritime University leh Uttaranchal University-te an tel a ni.