Education Minister in tlawh

Higher & Technical Education leh School Education Department chengtu Minister Dr. Vanlalthlana chuan Chakma Autonomous District Council (CADC) leh Lai Autonomous District Council (CADC) huamchhunga zirna In hrang hrangte chu a hmunah kalin a enfiah a. A hmasa ber atan niminpiah khan Govt. Kamalanagar College tlawhin April 4, 1992 khan he College hi din a ni a, tun dinhmunah Teaching Faculty 19 leh zirlai 324 an awm mek a ni. Nikum May 27-a thli in a chhemthluk Upper Primary School, Mualbu 'L' tlawhin buiding thar sakna tur cheng nuai 80 vel dah fel a ni tawh tih a sawi.

Minister hian Govt. Primary School- II Chawngte 'P' tlawhin a enfiah bakah Govt. H/S Chawngte 'P' in Science Teacher an mamawhna aan thlen chu bawhzui a tum thu a sawi a. Govt. M/S Hmunlai building dinhmun enfiahin Govt. Upper Primary School, Chawngtelui bakah RMSA New Secondary School Khawmawi leh Ngengpuikai Secondary School-a Quarters sak mek te pawh a tlawh bawk.